यस्तो छ वीरगन्जमा ........झडप र तनाव भारतीयको सहयोग

वीरगन्ज : वीरगन्ज बजार मंगलबार पनि बिहानैदेखि तनावग्रस्त बनेको छ । वीरगन्जमा स्थानीय प्रशासनले समोबार दिउँसोदेखि लगाएको कफ्र्यू मंगलबार बिहानैबाट मधेसी मोर्चाका कार्यकर्ताले अवज्ञा गरेर ठाँउ ठाँउमा प्रदर्शन गरेकाले नगरक्षेत्र तनाग्रस्त बनेको हो ।

कर्फ्यूको उल्लंघन गरेर मधेसी मोर्चाका कार्यकर्ताले प्रदर्शन गरेपछि वीरगन्जको नगवा र ब्रम्ह चोकमा  झडप भएको छ ।

बाइपास सडकको नगवा चोकमा बिहान मोर्चाका कार्यकर्ताले टायर बालेर प्रदर्शन गर्ने क्रममा प्रहरीले अवरोध गरेपछि झडप भएको हो ।

झडपका क्रममा प्रहरीले २० राउण्ड भन्दा बढी हवाइ फायर गरेको छ । यस्तै बाइपास सडककै ब्रम्हचोकमा पनि मंगलवार बिहान प्रदर्शनकारी र प्रहरीबीच झडप भएको छ ।

सडक छेउमा राखिएका प्रदर्शनकारीका दुईवटा साइकल प्रहरीले जल्दै गरेको टायरमा हालेपछि झडप भएको हो । ।

ब्रम्ह चोकमा भएको झडपका क्रममा प्रहरीले तीन राउण्ड हवाइ फायर पनि गरेको छ । यस्तै बाइपासकै लक्ष्मणवा चोकमा पनि मंगलबार बिहानैदेखि आन्दोलनकारीहरुले सडकमा टायर बालेर प्रदर्शन गरिहेका छन् ।

वीरगन्जको चोक चोकमा ठूलो संख्यामा नेपाल प्रहरी र सशस्त्र प्रहरी खटिएका छन् । काम विशेषले सडकमा निस्किएका सर्वसाधरणलाई भने प्रहरीले अवरोध गरेको छैन ।

वीरगन्जमा सोमबार दिउँसो प्रहरी र प्रदर्शनकारीबीचको झडपमा एक भारतीय युवकको मृत्यु भएलगत्तै स्थिति तनावपूर्ण बनेपछि स्थानीय प्रशासनले सोमबार दिउँसो तीन बजेदेखि अनिश्चितकालीन कर्फ्यू लगाएको हो ।

वीरगन्ज–जीतपुर सडकखण्डको विभिन्न चोकमा पनि मधेसी मोर्चाका कार्यकर्ताहरुले मंगलवार बिहानैदेखि प्रदर्शन शुरु गरेका छन् ।

गण्डक, लिपनीमाल, चैनपुर, परवानीपुर, नितनपुर र जीतपुरमा मधेसी मोर्चाका कार्यकर्ताहरुले बिहानैदेखि चोकचोकमा टायर बालेर सडक अवरुद्ध पारेका छन् ।

यस्तै पर्साको देउरवाना बजारमा पनि मधेसी मोर्चाका कार्यकर्ताहरुले प्रदर्शन गरेका छन् । देउरवानामा सडकमा टायर बालेर प्रदर्शन गर्दै बजार पनि बन्द गराएको संघीय समावेशी मधेशी मोर्चाका नेता अजय मिश्राले जानकारी दिए ।

यसैबीच बाराको मटिअर्वामा पनि मधेसी मोर्चाका कार्यकर्ताले प्रदर्शन गरिरहेका छन् । मटिअर्वा चोकबाट प्रदर्शनकारीहरुले जुलुश निकालेर मटिअर्वा छोटी भन्सार कार्यालयमा जारी धर्नामा पुगी समर्थन जनाएका छन् ।

वीरगन्ज रक्सौल नाका ४१ दिनदेखि ठप्प
वीरगन्ज रक्सौलको मितेरी पुलमा मधेसी मोर्चाको धर्ना र नकाकाबन्दी  मंगलवार ४१ औं दिन पनि जारी रहेको छ ।

सोमबार बिहान प्रहरीले बल प्रयोग गरेर आन्दोलनकारीहरुलार्इ केहीबेर हटाएर नाका खोलेपनि सोमबारै बिहान ११ बजे देखि फेरि मधेसी मोर्चाका नेता कार्यकर्ताहरुले मितेरी पुलमा धर्ना दिएर रक्सौल– वीरगन्ज नाका ठप्प पारेका हुन् ।

सोमबार बिहान पौने पाँच बजे तिर मितेरी पुलमा पुगेको प्रहरीले लाठी चार्ज गरेरआन्दोलनकारी हटाएपछि वीरगन्जबाट दुई सय २९ वटा भारतीय खाली गाडी रक्सौल प्रवेश गरेका थिए ।

तर रक्सौलमा फसेका नेपालका मालवाहक गाडीहरु भने एउटा पनि वीरगन्ज छिर्न सकेनन् । सोमबार बिहान मितेरी पुलमा प्रदर्शनकारीहरु सुतेकै बेला करिब चार सयको संख्यामा गएका नेपाल प्रहरी र सशस्त्र प्रहरीले एक्कासी लाठी चार्ज गरेर धपाउनुका साथै धर्नास्थलका पाँचवटा टेन्ट र बाँस जलाइदिएका थिए ।

प्रहरीले मितेरी पुलको धर्नास्थलबाट सोमबार बिहान दुईजना भारतीय र तीन जना नेपालीसहति पाँचजना प्रदर्शनकारीलाई नियन्त्रणमा पनि लिएको थियो ।

उनीहरुलाई जिल्ला प्रहरी कार्यालय पर्साको हिरासतमा राखिएको पर्साका प्रहरी उपरीक्षक राजुबाबु श्रेष्ठले जानकारी दिए ।

only adult click on below link >>>>>>>>>>>>>>>