दुर्घटनामा दश घाइते

मलेखु (धादिङ)-काठमाडौँबाट सर्लाहीतर्फ जाँदै गरेको यात्रुबाहक बसले रोकिराखिएको ट्रकलाई आज बिहान धादिङको भूमेस्थान गाविसको हुलाक डाँडामा ठक्कर दिँदा १० यात्रु घाइते भएका छन्।

यात्रु बोकेर सर्लाहीका लागि छुटेको बा ५ ख ५५८७ नंको बसले ना ३ ख ८८७७ नं को ट्रकलाई ठक्कर दिएको जिल्ला प्रहरी कार्यालयका प्रहरी निरीक्षक वासुदेव थापाले जानकारी दिए।
दुर्घटनामा घाइते भएकाहरुलाई स्थानीयवासी र प्रहरीले उद्धार गरी उपचारका लागि ललितपुरस्थित मेघा अस्पतालमा भर्ना गरिएको छ । बस चालक प्रहरीको नियन्त्रणमा रहेको प्रहरीले बताइएको छ । रासस