रसुवामा गोरू जुधाईको रमाईलो ....

- (हेमनाथ खतिवडा)

घ्यु, चाकु र तरूल खाएर मनाइने परम्परागत मकर संक्रान्ति रसुवा र नुवाकोट सिमानाको बेत्रावती बजारमा भने गोरू जुधाईको मनोरञ्जन लिएर मनाईएको छ । रसुवा र नुवाकोट सिमास्थलमा रहेको धार्मिक तथा ऐतिहासिक स्थल बेत्रावतीमा माघे संक्रान्तिका दिन यहाँका स्थानीयहरूले गोरू जुधाएर माघे संक्रान्ति मनाएका हुन् । बेत्रावती क्षेत्र पवित्र धार्मिक उत्तरगया घामका रुपमा पनि परिचित छ । बिगतमा झै यस वर्ष पनि यहाँका स्थानीय माघे संक्रान्तिमा रसुवाको सिमास्थल बेत्रावती स्थित नेपाल र तिब्बत बिचको भोट युद्धको सन्धि भएको स्थल बेत्रावतीमा बिगत ५ वर्षदेखि नुवाकोटको बेत्रावतीमा गोरू जुधाईलाई व्यवस्थित बनाईदै आएको छ । पहिला पुर्खादेखि रहेको प्रचलनलाई बिगतको वर्ष झै यस वर्ष पनि गोरू जुधाई परम्परालाई निरन्तरता दिन लागेको बेत्रावती गोरू जुधाई मेला आयोजक समितीका सदस्य सुरज लवटले बताए । गोरू जुधाई मेला हेर्नका लागि यहाँ काठमाण्डौ, धादिङ, ललितपुर लगायत बिभिन्न ठाउँबाट ४ हजार दर्शकहरू अबलोकन गरेका थिए । उत्तरगया क्षेत्र विकास समिती र गोसाँईकुण्ड युवा कल्बको संयुक्त आयोजनामा भएको कार्यक्रममा गोरू जुधाईमा तोयानाथ देवकोटाको गोरू उत्कृष्ट गोरू घोषित भएको छ । गोरू जुधाई प्रतियोगितामा विजयी गोरू पालक किसानलाई १ हजार ५०० रूपयाँ र पराजित गोरू धनी किसानलाई क्रमसः १ हजार रूपयाँ प्रदान गरेको थियो । प्रतियोगितामा पुर्णबहादुर डंगोलको गोरूले चन्द्रबहादुर डंगोलको गोरूलाई , अष्टमान डंगोल गेर्खु ९ बेत्रावतीको गोरूले भक्तबहादुर डंगोलको गोरूलाई र सम्मरबहादुर डंगोलको गोरूले भैरब बहादुर पुलामीको गोरूलाई जितेको थियो । गोरू जुधाउन प्रतियोगितामा गोरू ल्याएका गोरू धनीलाई टानका अध्यक्ष रमेश धमलाले ३ हजार रूपयाँ दिने पनि घोषणा गरे । रसुवा र नुवाकोटका सरकारी , गैरसरकारी निकाय, स्थानयि बुद्धिजिवी, पत्रकार पर्यटन ब्यावसायीहरुको सहभागिता रहेको कार्यक्रम स्थानीय युवा गणेश श्रेष्ठले सञ्चालन गरेका थिए । दशकदेखि गोरू जुधाएर मनोरञ्जन लिदै गरेको छ । कहाँबाट कहिलेदेखि गोरू जुधाउन थालियो भन्ने प्रमाण नपाए पनि नेपाल चिन युद्धताकाको पछि सुरू गरेको बुढापाकाहरू बताउछन् । नुवाकोटको तारूकाबाट यो संस्कृति भित्रिएको केहीको भनाई छ । २ सय वर्ष अघिदेखि परम्परा भएको स्थानीय गणेश श्रेष्ठ बताउछन् । बझाङी राजा जय पेथ्वीबहादुर सिंहले मावल आउँदा भाञ्जालाई मनोरञ्जनका लागि उहिले गोरू जुधाएको पनि स्थानीय बताउछन् । तस्वीर : हेमनाथ खतिवडा

adult click here >>>>>>