शंखमुल बुद्धनगर समितिको दोश्रो साधारण सभा सम्पन्न

  देश बिकाशको मेरुदण्डको रुपमा स्थापित ग्रील तथा स्टील व्यवसाय संघ काठमांडू जिल्ला अंतर्गत शंखमुल बुद्धनगर समितिको दोश्रो साधारण सभा यही मिति २०७५/४/६ गतेका दिन सम्पन्न भएको छ | समितिका अध्यक्ष पूर्ण बहादुर गोतामेको सभापति रहेको उक्त कार्यक्रममा महासंघ अध्यक्ष मोहन कटवाल प्रमुख अतिथि तथा काठामांडू जिल्ला अध्यक्ष यज्ञ दाश श्रेष्ठ बिशेष अतिथि रहनु भएको थियो | उक्त अवसरमा बिभिन्न ईकाई समितिको अध्यक्षहरुले दक्ष जनशक्ति कामदार, कामदारको सुरक्षा, बीमा, मूल्य सूची लगायातको बारेमा बोलेका थिए |उक्त साधारण सभामा शंखमुल बुद्धनगर समितिमा शुरू देखि नै उल्लेखीय योगदान पुर्याउनु हुने बिभिन्न महानुभावहरुलाई कदर पत्रले सम्मान पनी गरियो |           

  यस साधारण सभाले पुरानो कार्य समिति बिघटन गरेर नया कार्य समिति चयन गरेको छ | नया कार्य समिति अनुसार अध्यक्षमा पूर्ण गोतामे, सचिबमा दिनेश भट्टराई, कोषाध्यक्षमा रिक्शांग लामा, सह – सचिबमा पदम बहादुर थापा सदस्यमा मान बहादुर तामांग तथा गणेश गोतामे सर्वसम्वत चयन भएका छन | उक्त अवसरमा नया कार्यसमितिका सचिब श्री दिनेश भट्टराईले पदको जिम्मेवारी बहन गर्नु पर्ने साना व्यवसायीलाई माया गरी महासंघले प्रकाशित गरेको मूल्यसुचिलाई आधार मानी मूल्य लिनलाई व्यवसायीहरु सग आग्रह गर्नु भयो | निकट भविष्यमा एक जना महिला सदस्य मनोनीत गरेर कार्य समितिलाई पूर्णता दिने जानकारी पनी दिनुभयो |